У Вікіпедыі ёсць артыкулы пра іншых асоб з прозвішчам Лазінскі. Самуіл Гарацыевіч Лазінскі (26 жніўня 1874, Бабруйск, Мінская губерня — 26 чэрвеня 1945) — расійскі і савецкі гісторык, сурэдактар Яўрэйскай энцыклапедыі (1907—1913).
Нарадзіўся ў сям’і гаспадара карчмы. Скончыў гімназію ў Слуцку, вучыўся ў Кіеўскім універсітэце, таксама вучыўся ў Парыжскім і Берлінскім універсітэтах. Здаў экзамен па гісторыка-філалагічным факультэту пры Санкт-Пецярбургскім універсітэце. Працаваў на пасадзе прафесара Інстытута пазашкольнай адукацыі (1921—1926); у ЛГПІ імя А. І. Герцэна ў пасадзе прафесара кафедры ўсеагульнай гісторыі (1921—1945).
Друкаваўся ў выданні «Вестник знания» і іншых выданнях. Аўтар кніг па гісторыі Сярэднявечча[1].
Брат — Лазінскі Майсей (Мойша-Хаім) Гарацыевіч (1873—1903) — дзеяч рэвалюцыйнага руху.