У Вікіпедыі ёсць артыкулы пра іншых асоб з прозвішчам Геснер. Саламон Геснер (ням.: Salomon Gessner, 1 красавіка 1730, Цюрых — 2 сакавіка 1788, там жа) — швейцарскі паэт, мастак і графік. Адзін з найбуйнейшых майстроў еўрапейскага Ракако. Пісаў на нямецкай мове.
Аўтар знакамітых у свой час ідылій («Idyllen», 1756—1772), якія зрабілі Геснер адным з самых вядомых еўрапейскіх пісьменнікаў XVIII стагоддзя. У сваіх «Ідыліях» Геснер выступае ў якасці тонкага мініяцюрыста, пазбягае залішняй вычварнасці. Геснер быў таксама выбітным мастаком, гравёрам, з поспехам ілюстраваў уласныя літаратурныя творы.