Рэкс Уэйн Тылерсан (англ.: Rex Wayne Tillerson; нар. 23 сакавіка 1952, Уічыта-Фолс, Тэхас, ЗША) — дзяржаўны сакратар ЗША з 1 лютага 2017 года.
Старшыня савета дырэктараў і галоўны кіраўнік нафтавай кампаніі «ExxonMobil» (1 студзеня 2006 года — 1 студзеня 2017 года).
Рос у Аклахоме і Тэхасе, асноўных нафта-і газаздабыўной штатах ЗША. У 1975 годзе скончыў Тэхаскі ўніверсітэт у Остыне, вывучаў інжынерную справу. Пачаў кар’еру ў Exxon на промыслах, да сярэдзіны 1980-х узначальваў службу развіцця бізнесу ў газавым дэпартаменце карпарацыі.