wd wp Пошук: ⬜

Рэзэкненскі замак

Рэзэкненскі замак (лат.: Rēzeknes pils), гістарычна замак Розітэн (ням.: Burg Rositen), таксама вядомы як Рэжыцкі замак — руіны сярэдневяковага замка ў цэнтры Рэзэкнэ, Латвія.

Гісторыя

Згодна з археалагічнымі даследваннямі, на месцы замку ў IX—XII стагоддзях існавалі латгальскія драўляныя ўмацаванні[1]. Мураваны замак быў заснаваны ў 1285 годзе лівонскім рыцарам Вільгельмам фон Шаўэрбургам і быў адным з першых умацаваных замкаў, пабудаваных крыжакамі ў Лівоніі.

За сваю гісторыю замак быў шматкрот разбураны і адбудаваны. У час Лівонскай вайны з 1577 па 1579 гады быў захоплены войскам Івана Грознага, а ў 1601 (Вайна Рэчы Паспалітай са Швецыяй (1600—1611)) і 1625—1626 гадах (Паўночная вайна (1655—1660)) — шведскай арміяй[2]. У 1656 годзе быў цалкам разбураны, а ў 1660 г. адбудаваны як умацаванне Інфлянцкага ваяводства. З цягам часу страціў ваеннае значэнне і з 1712 года знаходзіцца ў руінах.

Зноскі

↑ Ellen Chivers Davies. A wayfarer in Estonia, Latvia and Lithuania. С.160
↑ Valdis J. Zeps. The placenames of Latgola: a dictionary of East Latvian toponyms. — Baltic Studies Center, 1984.

Літаратура

Ellen Chivers Davies. A wayfarer in Estonia, Latvia and Lithuania. — R.M. McBride & company, 1937. — С. 160.
Valdis J. Zeps. The placenames of Latgola: a dictionary of East Latvian toponyms. — Baltic Studies Center, 1984. — ISBN 978-0-918375-00-1.

Спасылкі

Руіны Рэзэкненскага замка на esosedi.org
Замак Рэзэкнэ (Разытэн — Rositten) на сайце castle.lv