Ры́чкі[1] — вадасховішча ў Драгічынскім раёне Брэсцкай вобласці Беларусі, на поўнач ад вёскі Кублік.
Вадасховішча створана ў 1981 годзе ў мэтах увільгатнення і арашэння сельскагаспадарчых угоддзяў, рэкрэацыі і рыбагадоўлі. Плошча паверхні 0,52 (0,5[2]) км². Даўжыня 1,15 (1,16[2]) км, найбольшая шырыня 0,64 км. Даўжыня агараджальнай дамбы 3,1 (3[2]) км, найбольшая яе вышыня 4,69[3] м. Найбольшая глыбіня 4,5 (5[2]) м, сярэдняя 3,3 м. Аб’ём вады ў вадасховішчы 1,41 млн м³. Ваганні ўзроўню вады да 3,4 м. Сярэдні шматгадовы сцёк 20,2 млн м³.
Вадасховішча наліўное, напаўняецца вадой з Ляхавіцкага канала.