У Вікіпедыі ёсць артыкулы пра іншых асоб з прозвішчам Богуш.
Рыхард Пятровіч Богуш (нар. 12 верасня 1974, в. Кулеўшчына, Докшыцкі раён, Віцебская вобласць) — беларускі спецыяліст у галіне сістэмнага аналізу, кіравання і апрацоўкі інфармацыі. Доктар тэхнічных навук (2022), дацэнт (2006).
Скончыў Полацкі дзяржаўны ўніверсітэт (спецыяльнасць «Праектаванне і вытворчасць радыёэлектронных сродкаў», кваліфікацыя «Інжынер-канструктар-тэхнолаг», 1997; аспірантура, спецыяльнасць «Аўтаматызацыя тэхналагічных працэсаў і вытворчасцей», 2000).
Працаваў Полацкім дзяржаўным універсітэце (з 2000, факультэт інфармацыйных тэхналогій, кафедра вылічальных сістэм і сетак, дацэнт, з 2007 — загадчык кафедры).
Навуковыя інтарэсы: аналіз і апрацоўка відарысаў; распазнаванне вобразаў; засцярога інфармацыйных рэсурсаў і стэганаграфія; фарміраванне і апрацоўка сігналаў.
Граматы Міністэрства адукацыі Рэспублікі Беларусь (2008, 2010, 2013).