Рыгор Яфімавіч Грум-Гржымайла (руск.: Григо́рий Ефи́мович Грумм-Гржима́йло; 5 (17) лютага 1860, Санкт-Пецярбург — 3 сакавіка 1936, Ленінград) — расійскі падарожнік, географ, заолаг і лепідаптэролаг, даследчык Заходняга Кітая, Паміра, Цянь-Шаня (1884—1890), Заходняй Манголіі, Тывы і Далёкага Усходу (1903—1914). Адкрыў Турфанскую ўпадзіну. Асноўныя працы прысвечаны фізічнай, палітычнай, гістарычнай геаграфіі і этнаграфіі Цэнтральнай Азіі, а таксама яе энтамалогіі. Брат У. Я. Грум-Гржымайла.
Імем Грум-Гржымайла названы перавал на хрыбце Сіхатэ-Алінь, адзін з адкрытых ім ледавікоў на Паміры і ледавік на масіве Богда-Ула.