У гэтага паняцця ёсць і іншыя значэнні, гл. Чухрай.
Рыгор Навумавіч Чухрай (23 мая 1921, Мелітопаль — 28 кастрычніка 2001) — савецкі кінарэжысёр, народны артыст РСФСР (1969), народны артыст СССР (1981).
У 1953 годзе скончыў рэжысёрскі факультэт УДІКа (майстэрня С. І. Юткевіча і М. І. Рома). Адзін з вядучых рэжысёраў пасляваеннага кіно, Чухрай стварыў шэраг значных фільмаў, якія атрымалі ўсесаюзную і сусветную вядомасць, прэміяваных на Міжнародных кінафестывалях. Найбуйнейшыя працы: «Сорак першы» паводле Б. А. Лаўранёва (1956), «Чыстае неба» (1961), «Памяць» (1970). Кінафільм «Балада пра салдата» (1959) удастоены Ленінскай прэміі (1961). Узнагароджаны 5 ордэнамі, а таксама медалямі.
У сакавіку 1966 года падпісаў ліст трынаццаці супраць рэабілітацыі Сталіна.