Рыбако́ўскае, Рыбакоўка — возера ў Сенненскім раёне Віцебскай вобласці Беларусі ў басейне ракі Свячанка, за 19 км у напрамку на захад ад горада Сянно, каля вёскі Рыбакоўшчына, прыкладна за 2 км у напрамку на паўднёвы ўсход ад вёскі Прыветак, каля мяжы з Чашніцкім раёнам.
Плошча паверхні возера 0,125[1] км². Даўжыня 0,55 км, найбольшая шырыня 0,26 км, даўжыня берагавой лініі 1,35 км.
Катлавіна возера круглаватай формы. Берагавая лінія слаба звілістая. Ручаямі возера злучана з ракой Свячанка.