Сан-Хуан (ісп.: Río San Juan) — дэпартамент у Нікарагуа.
Дэпартамент Сан-Хуан знаходзіцца на крайнім поўдні Нікарагуа і названы па імі ракі Сан-Хуан, даўжынёй у 200 кіламетраў, што цячэ з возера Нікарагуа ля галоўнага горада дэпартамента Сан-Карлас, і ўпадае ў Карыбскае мора ля горада Сан-Хуан-дэль-Нортэ. У паўднёвай частцы дэпартамента таксама праходзіць дзяржаўная мяжа Нікарагуа і Коста-Рыкі. На паўночным захадзе дэпартамент ляжыць ля возера Нікарагуа і ў яго склад уваходзяць таксама 36 астравоў архіпелага Салентынамэ. Ва ўсходняй частцы дэпартамента Сан-Хуан размешчаны вялікі прыродны запаведнік Біярэзерват Індыа-Маіз (Reserva Biológica Indio-Maíz).
Плошча дэпартамента Сан-Хуан складае 7.473 км ². Колькасць насельніцтва - 98.000 чалавек (ацэнка на 2006 год). Шчыльнасць насельніцтва - 13 чал./км ². 70% ад агульнай колькасці жыхароў занятыя ў сельскай гаспадарцы; вырошчваецца пераважна рыс, маіс і бабы. Найбольш буйныя гарады дэпартамента - яго цэнтр Сан-Карлас і Сан-Мігеліта.
У адміністрацыйным плане дэпартамент Сан-Хуан падзяляецца на 6 муніцыпій: