Румынскі тэатр оперы і балета (рум.: Opera Națională București) — тэатр у Бухарэсце. Заснаваны ў 1921 годзе.
У 1885 годзе Джорджэ Штэфэнеску арганізаваў у Бухарэсце з акцёраў Нацыянальнага тэатра трупу «Румынская опера», якая аб’яднала такіх спевакоў як Харыклея Даркле, Элена Тэадарыні[ro], Грыгорэ Габрыелеску[ro] і стала асновай опернага тэатра ў Румыніі. У 1919 годзе ўжо іншы румынскі кампазітар Джорджэ Энеску арганізоўвае музычнае таварыства «Опера». А ўжо ў 1921 годзе на базе гэтага таварыства была створана Румынская каралеўская опера, якая ўрачыста адкрылася операй «Лаэнгрын» Рыхарда Вагнера. У 1944 годзе перайменавана ў Румынскі тэатр оперы і балета (рум.: Teatrul de Operă și Balet), а ў 1968 годзе — Оперу Румыніі (рум.: Opera Română).
Да 1940 года спектаклі ставіліся ў будынку Лірычнага тэатра, потым на розных тэатральных пляцоўках, пакуль у 1953 годзе не быў пабудаваны новы будынак па праекце архітэктара Актава Даічэску[ro].
Трупа тэатра паспяхова гастралюе па свеце. У СССР тэатр прыязджаў у 1960 і 1984 гадах.