Ру́баўскае — возера ў Сенненскім раёне Віцебскай вобласці ў басейне ракі Крывінка, за 10 км у напрамку на паўночны ўсход ад горада Сянно, за 1 км на паўночны ўсход ад вёскі Запруддзе.
Плошча паверхні возера 0,16 км². Даўжыня 0,75 км, найбольшая шырыня 0,28 км, даўжыня берагавой лініі 1,67 км. Плошча вадазбору 7,5 км².
Катлавіна Рубаўскага возера рэшткавага тыпу, выцягнутая ў напрамку з паўночнага захаду на паўднёвы ўсход. Схілы катлавіны спадзістыя, вышынёй да 2 метраў. Берагі нізкія і забалочаныя. Берагавая лінія слабазвілістая. Вакол возера пойма шырынёй да 200 м.