wd wp Пошук:

Роў Яна і Цэцыліі

Роў Я́на і Цэцы́ліі — эразійная лагчына, геолага-геамарфалагічны і палеанталагічны помнік прыроды рэспубліканскага значэння. Размешчаны каля заходняй ускраіны в. Багатырэвічы Мастоўскага раёна Гродзенскай вобласці. Даўжыня рова складае 700 м, шырыня да 100 м, глыбіня да 10 м, плошча 0,3 км². Лагчына ўтварылася пры размыве азёрна-ледавіковай нізіны за 14 тыс. гадоў. Мае звілістую форму. Уключае помнік прыроды рэспубліканскага значэння (з 1963) Самастрэльнікі — апорнае геалагічнае агаленне старажытных азёрных і балотных адкладаў муравінскага міжледавікоўя. Адклады магутнасцю 3,3 м багатыя на рэшткі выкапнёвай флоры (больш за 100 відаў), што існавала каля 100 тыс. гадоў назад. Ахоўны статус нададзены ў 1998 годзе.

Магіла Яна і Цэцыліі, 2013
Магіла Яна і Цэцыліі, 1885

На паверхні заходняга схілу, паводле падання, знаходзяцца магілы герояў рамана Э. Ажэшка «Над Нёманам» Яна і Цэцыліі.

Літаратура

Тэмы гэтай старонкі (8):
Катэгорыя·Лагчыны
Катэгорыя·Геалагічныя помнікі прыроды рэспубліканскага значэння Гродзенскай вобласці
Катэгорыя·Геалогія Мастоўскага раёна
Катэгорыя·Вікіпедыя·Спасылкі на Беларускую энцыклапедыю без нумароў старонак
Катэгорыя·Багатырэвічы
Катэгорыя·Вікіпедыя·Спасылкі на Беларускую энцыклапедыю з назвай артыкула
Катэгорыя·Вікіпедыя·Спасылкі на Беларускую энцыклапедыю без аўтара
Катэгорыя·Славутасці Мастоўскага раёна