wd wp Пошук: ⬜

Рольф Цынкернагель

Рольф Марцін Цынкерна́гель (ням.: Rolf Martin Zinkernagel, нар. 6 студзеня 1944, г. Рыэн, кантон Базель-Штат, Швейцарыя) — швейцарскі вучоны ў галіне імуналогіі, лаўрэат Нобелеўскай прэміі па фізіялогіі і медыцыне ў 1996 годзе разам з П. Догерці «за адкрыцці ў галіне імуннай сістэмы чалавека, у прыватнасці яе здольнасці выяўляць клеткі, заражаныя вірусам».

Біяграфія

Скончыў Базельскі ўніверсітэт у 1968 годзе, дзе і працаваў. З 1971 года ў Лазанскім універсітэце. З 1973 года ў Аўстралійскім універсітэце (Канбера). З 1975 года ў клініцы медыцынскіх даследаванняў г. Ла-Джола (ЗША). З 1979 года ў Цюрыхскім універсітэце, з 1992 па люты 2008 год[11] дырэктар Інстытута эксперыментальнай імуналогіі ў Цюрыху.

Аўтар навуковых прац па механізмах імуналагічнай талерантнасці, памяці, распазнавання клеткамі імуннай сістэмы мікробаў і малекул уласнага арганізма. Вызначыў ролю лімфацытаў (кілераў) у абароне ад вірусаў, антыцел у клетачным імунным адказе пры аўтаімунных рэакцыях у запаленчых працэсах.

Замежны член Нацыянальнай АН ЗША (1996), Аўстралійскай АН (1996), Амерыканскай акадэміі мастацтваў і навук (1998), Лонданскага каралеўскага таварыства (1998).

Член Германскай акадэміі прыродазнаўцаў «Леапальдзіна» (1994).

Узнагароды

1999 — Ордэн Аўстраліі [12]
1996 — Нобелеўская прэмія па фізіялогіі і медыцыне
1995 — Прэмія Альберта Ласкера за фундаментальныя медыцынскія даследаванні
1987 — Прэмія Уільяма Колі (англ.: William B. Coley Award)
1986 — Міжнародная прэмія Гайрднера

Зноскі

↑ Rolf M. Zinkernagel // Encyclopædia Britannica Праверана 9 кастрычніка 2017.
↑ Rolf M. Zinkernagel // Brockhaus Enzyklopädie Праверана 9 кастрычніка 2017.
↑ Rolf Martin Zinkernagel // Historische Lexikon der Schweiz, Dictionnaire historique de la Suisse, Dizionario storico della Svizzera — Bern: 1998.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #141311584 // Агульны нарматыўны кантроль — 2012—2016. Праверана 11 снежня 2014.
↑ http://www.tasnimnews.com/English/Home/Single/292500
↑ https://explorable.com/cell-mediated-immune-defence
↑ http://www.britannica.com/EBchecked/topic/416856/Nobel-Prize/93434/The-prizes
↑ http://www.nytimes.com/1999/01/12/health/the-doctor-s-world-keeping-harmony-in-the-marriage-of-cells.html
↑ NNDB — 2002.
↑ https://www.ae-info.org/ae/User/Zinkernagel_Rolf
↑ http://www.uzh.ch/news/articles/2008/2843.html
↑ It’s an Honour: AC Архівавана 3 сакавіка 2016.

Літаратура

Беларуская энцыклапедыя: У 18 т. Т.17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — Т. 17. — 512 с. — 10 000 экз. — ISBN 985-11-0035-8 (т. 17)

Спасылкі

Аўтабіяграфія Рольфа Цынкернагеля на Нобелеўскім сайце (англ.)