У Вікіпедыі ёсць артыкулы пра іншых асоб з прозвішчам Шарма.
Робін Ша́рма (англ.: Robin Sharma, нар. 16 чэрвеня 1967) — канадскі пісьменнік, адзін з самых вядомых у Паўночнай Амерыцы спецыялістаў па матывацыі, лідарстве і развіцці асобы.
Робін Шарма атрымаў ступень juris doctor, працаваў адвакатам, пазней выпусціў сваю першую кнігу.
Аб’яднаўшы заходнія тэхналогіі дасягнення поспеху і максімальнай працаздольнасці з усходняй мудрасцю ўдасканалення розуму, цела і духу, ён пачаў дапамагаць іншым людзям у павышэнні якасці жыцця. Займаецца трыятлонам і тхэквандо.
Робін Шарма з’яўляецца пастаянным удзельнікам радыё- і тэлепраграм кампаній «CBC» і «CBS», а яго выступленні апублікаваны ў такіх вядомых друкаваных выданнях, як «USA Today», «National Post» і «The Globe and Mail».
Актыўна займаецца стварэннем дабрачыннай арганізацыі «Дзіцячы Фонд Робіна Шармы», якая паставіла перад сабой мэту дапамагчы дзецям з бедных сем’яў у дасягненні сваіх жаданняў.