У Вікіпедыі ёсць артыкулы пра іншых асоб з прозвішчам Марцін. Роберт Сесіл Марцін (англ.: Robert Cecil Martin), таксама вядомы як Дзядзька Боб (англ.: Uncle Bob[1]) — кансультант і аўтар у галіне распрацоўкі праграмнага забеспячэння. Марцін з’яўляецца прафесіяналам у галіне распрацоўкі ПЗ з 1970, а з 1990 становіцца міжнародным кансультантам у гэтай галіне. У 2001 ён арганізуе сустрэчу групы, якая стварыла гнуткую метадалогію распрацоўкі з тэхнік экстрэмальнага праграмавання.[2]
Заснавальнік Object Mentor Inc., арганізацыі, якая аказвае кансультацыйныя паслугі і трэнінгі ў такіх абласцях, як C++, Java, ААП, Шаблон праектавання, UML, гнуткія метадалогіi распрацоўкі, і экстрэмальнае праграмаванне.[3]
З 1996 па 1999 быў галоўным рэдактарам часопіса C++ Report. У 2002 напісаў кнігу «Хуткая распрацоўка праграм. Прынцыпы, прыклады, практыка» (англ. Agile Software Development: Principles, Patterns, and Practices), якая дае прагматычныя парады па аб’ектна-арыентаванаму дызайну і распрацоўцы ў agile-камандах. Таксама ён выдаў некалькі папулярных кніг па праграмаванню і метадалогіям распрацоўкі ПЗ.