Расціслаў Мікалаевіч Юрэ́неў (13 красавіка 1912, г. Віцебск — 28 мая 2002) — расійскі кіназнавец, крытык, сцэнарыст. Заслужаны дзеяч мастацтваў Расіі (1969). Доктар мастацтвазнаўства (1961), прафесар (1963).
Скончыў у 1936 годзе Усесаюзны дзяржаўны інстытут кінематаграфіі, з 1939 выкладаў у ім. З 1948 працаваў у Інстытуце гісторыі мастацтваў, з 1973 у НДІ тэорыі і гісторыі кіно.
Аўтар манаграфій пра кінарэжысёраў: «Рыгор Аляксандраў» (1939), «Аляксандр Даўжэнка» (1959), «Эйзенштэйн» (1962), «Кінарэжысёр Яўген Чарвякоў» (1972); прац па праблемах кінамастацтва: «Савецкая кінакамедыя» (1964), «Кароткая гісторыя савецкага кіно» (1979), «Наватарства савецкага кінамастацтва» (1986). Напісаў сцэнарыі дакументальных фільмаў «Сяргей Эйзенштэйн» (1958), «Усевалад Пудоўкін» (1960), «Нараджэнне савецкага кіно» (1968), «Кіно расказвае пра сябе» (1969), «І. А. Пыр’еў» (1979) і інш.