Ральф Нейдэр (англ.: Ralph Nader; нар. 27 лютага 1934, Уінстэд, Канектыкут) — амерыканскі палітык і грамадскі дзеяч ліванскага паходжання (яго бацька эміграваў з Лівана ў ЗША).
У 1955 годзе ён скончыў Прынстанскі ўніверсітэт, у 1958 годзе — юрыдычны факультэт Гарвардскага ўніверсітэта. У 1959 годзе ён на працягу шасці месяцаў служыў у войску, пасля чаго пачаў працаваць юрыстам у Хартфардзе.
Быў кандыдатам на прэзідэнцкіх выбарах ў 1996 і 2000 як кандыдат ад Партыі зялёных. Нейдэр таксама прымаў удзел у выбарах 2004 і 2008, на гэты раз як незалежны кандыдат.