Разня ў Харэка — масавае забойства, здзейсненае 29 студзеня 2021 года ў вёске Харэка (Тыграй, Эфіопія) падчас Тыграйскага канфлікту. Згодна з «Тыграй: Атлас гуманітарнай сітуацыі», тут вайскоўцамі Узброеных Сіл Эрытрэі было забіта 19 чалавек, з якіх сем удалося ідэнтыфікаваць. Імі былі Тэсфай Кешы Гебрэхівот, Гайтам Тэсфай Тадэсе, Вольдебірхан Шышай Гебрэгебрыцыён, Бірхану Кірос Фіцум, Манай Гебрэселасіе, Зенебе Берхе і Тэсфай Ціаме. Пасля некалькіх месяцаў адмаўлення эфіопскімі ўладамі факту масавых забойстваў у сакавіку было абвешчана аб сумесным расследаванні УВКПЧ і ўрадавай камісіі па правах чалавека.