Ра́дастаўскі сельсавет (руск.: Радостовский сельсовет) — адміністрацыйна-тэрытарыяльная адзінка ў складзе Драгічынскага раёна Брэсцкай вобласці. Цэнтр — вёска Радастава.
Утвораны 12 кастрычніка 1940 года ў складзе Дзівінскага раёна Брэсцкай вобласці БССР. Цэнтр — вёска Радастаў. З 8 жніўня 1959 года ў складзе Драгічынскага раёна. 5 сакавіка 1981 года цэнтр сельсавета перайменаваны ў Радастава.
Насельніцтва сельсавета паводле перапісу 2009 года — 2320 чалавек[1], з іх 98,7 % — беларусы[2].
На тэрыторыі сельсавета знаходзіцца Радастаўскі біялагічны заказнік.