Дзі́вінскі раён — адміністрацыйна-тэрытарыяльная адзінка ў БССР у 1940 — 1959 гг. Утвораны 15 студзеня 1940 г. у Брэсцкай вобласці. Цэнтр — вёска Дзівін.
12 кастрычніка 1940 г. раён падзелены на 11 сельсаветаў: Верхалескі, Дзівінскі, Лелікаўскі, Навасёлкаўскі, Осаўскі, Павіццеўскі, Радастаўскі, Хабовіцкі, Чарнянскі, Чэмерскі і Ягмінаўскі.
16 ліпеня 1954 г. Лелікаўскі, Чэмерскі і Ягмінавіцкі сельсаветы скасаваны, у склад раёна з Жабінкаўскага раёна перададзены вёскі Горы, Звозы, Лясавец, Субаты і Шарашоўцы[2].
8 жніўня 1959 г. раён скасаваны. Верхалескі, Дзівінскі, Навасёлкаўскі, Павіццеўскі, Хабовіцкі сельсаветы перададзены ў Кобрынскі раён, Радастаўскі — у Драгічынскі, Осаўскі і Чэрнінскі — у Маларыцкі раёны.