Піхцяі — былая вёска ў Суражскім раёне Віцебскай вобласці. Знаходзілася ў падпарадкаванні Котаўскага сельскага Савета дэпутатаў.
Да вайны было 27 двароў і 105 жыхароў. Працавала пачатковая школа[1].
30 кастрычніка 1942 года ў раёне вёсак Піхцяі—Сямак нямецкімі войскамі быў збіты самалёт 133-га знішчальнага палка 266-й штурмавой авіядывізіі, якім кіраваў намеснік камандзіра авіяэскадрыллі Юрый Цімафеевіч Кулеш (пахаваны на могілках былой вёскі)[2].
14 студзеня 1943 года, падчас антыпартызанскай аперацыі, нямецкія карныя атрады загадалі жыхарам вёскі ісці да Котава, на падставе таго што іх выклікае камендант. Былі растраляны каля мясцовай бібліятэкі[3].