Пі́едруя (лат.: Piedruja, традыцыйная беларуская назва — Прыдру́йск) — вёска ў Краслаўскім краі Латвіі, адміністрацыйны цэнтр Піедруйскай воласці. Знаходзіцца на правым беразе ракі Заходняя Дзвіна, па якой праходзіць дзяржаўная граніца паміж Латвіяй і Беларуссю, насупраць аграгарадка Друя (Беларусь). За 292 км ад Рыгі. Насельніцтва — 118 жыхароў (2016).
Заснавана Янам Сапегам не пазней 1611 года. У XIX стагоддзі было мястэчкам Дрысенскага павета Віцебскай губерні. У канцы XIX стагоддзя ў Піедруі былі праваслаўная і каталіцкая цэрквы, яўрэйская сінагога, 2 малітоўныя дамы. Паводле перапісу 1897 года — 854 жыхары, сярод іх 561 яўрэй.