Пётр Журавецкі (1901 — пасля 1985) — каталіцкі артадаксальны святар, біскуп, апостальскі мадэратар, рэлігійны дзеяч беларускага замежжа, удзельнік беларускага хрысціянскага руху XX ст. У 1960-я гады прымаў спробы стварэння альтэрнатыўнай Царквы для беларусаў, арыентаванай на аб’яднанне праваслаўных і католікаў.
Нарадзіўся ў 1901 г. ў Раве-Рускай на Галічыне, якая тады ўваходзіла ў склад Аўстра-Венгрыі. Паходзіў з беларускай сям’і, якая пераехала з Брэста. Вучыўся ў Венскай духоўнай семінарыі. З 1925 г. — у ЗША, дзе прадоўжыў тэалагічную адукацыю. Пасвячоны ў святары ў 1932 г. канстанцінопальскім патрыярхам экзархам Афінагорам. Мітру з рук александрыйскага патрыярха экзарха Хрыстафора Кантагеоргія атрымаў у 1942 г. Быў прызначаны адміністратарам «Усходне-Каталіцкай Апостальскай Дыяцэзіі Амерыкі».
У канцы 1940-х гадоў архімандрыт Пётр зблізіўся з некананічнай Святой Праваслаўнай Царквой Хрыста (англ.: Тhe Holy Orthodox Church of Christ), заснаванай іерархамі, якія адышлі ад Экзархата Александрыйскага Патрыярхата ў Амерыцы. У 1950 годзе яна атрымала найменне Святы Праваслаўны Каталіцкі Патрыярхат (англ.: The Holy Orthodox Catholic Patriarchate), а яе мітрапаліт Іосіф Клімовіч прыняў тытул патрыярха ўсяе Амерыкі. Адразу ж адбылося і епіскапскае рукапалажэнне архімандрыта Пятра (Журавецкага).
У 1957 патрыярх Іосіф Клімовіч сышоў на пакой, пасля чаго мітрапаліт Пётр был выбраны другім патрыярхам Святога Праваслаўнага Каталіцкага Патрыярхата. Кафедральным храмам у гэты перыяд з’яўляўся Петрапаўлаўскі сабор у г. Спрынгфілд (Масачусетс).
Да 1959 года Пётр Журавецкі перайшоў у юрысдыкцыю Польскай Старакаталіцкай Царквы ў Амерыцы і Еўропе, дзе стаў суфраганам прымаса архіепіскапа Юзафа Зялёнкі[pl]. Пасля смерці Зялёнкі ў 1961 годзе стаў на чале гэтай рэлігійнай арганізацыі, з тытулам мітрапаліта.
Пасля ўтварэння «Беларускай праваслаўна-каталіцкай субожні» прызначаны апостальскім мадэратарам яе 1-га сінода. Працягваючы знаходжанне ў старакаталіцкай юрысдыкціі, ён паралельна прыняў тут тытул Патрыярха.
У 1964 г. далучыўся да новастворанай Амерыканскай Праваслаўнай Каталіцкай Царквы[en] (англ.: The American Orthodox Catholic Church), заснаванай былым клірыкам Украінскай Грэка-Праваслаўнай Царквы ў Амерыцы (украінскай епархіі Канстанцінопальскага Патрыярхата ў Амерыцы) Вальтэрам Міронам Прафета.