wd wp Пошук: ⬜

Пётр Дзмітрыевіч Шапавал

У Вікіпедыі ёсць артыкулы пра іншых асоб з прозвішчам Шапавал.

Пётр Дзмітрыевіч Шапавал (укр.: Шаповал Петро Дмитрович; нар. 1 сакавіка 1948) — украінскі дзяржаўны і палітычны дзеяч, дыпламат.

Біяграфія

Нарадзіўся 1 сакавіка 1948 года, у с. Жаўтневае Каропскага раёна на Чарнігаўшчыне. Скончыў Нежынскі тэхнікум механізацыі сельскай гаспадаркі і Кіеўскі інстытут народнай гаспадаркі (1981), Вышэйшую партыйную школу пры ЦК КП Украіны (1987).

З 1967 па 1972 — працаваў памочнікам брыгадзіра трактарнай брыгады калгаса «Кастрычніцкая рэвалюцыя» Каропскага раёна, служыў у войску, працаваў настаўнікам вытворчага навучання.
З 1972 па 1977 — працаваў у аўтапрадпрыемстваў г. Гародні Чарнігаўскай вобласці.
З 1977 па 1985 — старшыня выканкама Гараднянскага гарсавета, затым — намеснік старшыні выканкама Гараднянскага райсавета.
З 1985 па 1986 — намеснік загадчыка аддзела сельскай гаспадаркі і харчовай прамысловасці Чарнігаўскага абкама партыі.
З 1986 па 1990 — першы сакратар Шчорскага райкама Кампартыі Украіны.
З сакавіка 1990 года — намеснік старшыні аблсавету, 1-й намеснік старшыні аблвыканкама.
З красавіка 1991 па жнівень 1991 года — першы сакратар Чарнігаўскага абласнога камітэта Кампартыі Украіны.
З 1991 па 1994 — першы намеснік начальніка ўпраўлення сельскай гаспадаркі аблвыканкама, затым — першы намеснік начальніка ўпраўлення сельскай гаспадаркі Чарнігаўскай абласной адміністрацыі, старшыня абласнога камітэта «Воблагратэхсэрвіс».
З 1994 па 1995 — абраны старшынёй Чарнігаўскага аблсавету і выканкама.
З 1995 па 1998 — старшыня абласнога савета і дзяржадміністрацыі.
З 1998 па 2001 — старшыня Чарнігаўскага аблсавету.
З сакавіка 2001 па ліпень 2003 года — прызначаны Надзвычайным і Паўнамоцным Паслом Украіны ў Кіргізіі.
З 18 жніўня 2003 па 18 жніўня 2005 г — прызначаны Надзвычайным і Паўнамоцным Паслом Украіны ў Рэспубліцы Беларусь.
З 2006 па 2010 — дэпутат Чарнігаўскага абласнога савета. Старшыня пастаяннай камісіі па пытаннях міжрэгіянальнага і трансгранічнага супрацоўніцтва, упаўнаважаны прадстаўнік дэпутацкай фракцыі «Партыя Рэгіёнаў».
З 2010 — старшыня Чарнігаўскага абласнога аддзялення Усеўкраінскай грамадскай арганізацыі «Сіла і гонар».

Заслужаны эканаміст Украіны, Дзяржаўны служачы 1-га рангу (10.1994). Дыпламатычны ранг — Надзвычайны і Паўнамоцны Пасол (01.2005). Воінскае званне — палкоўнік.

Узнагароды

Ганаровае адрозненне Прэзідэнта Украіны (1996p)
Ордэн Прападобнага Нестара Летапісца II ступені (1996);
Ганаровая грамата ЦВК (2000);
Ганаровая Грамата KM Украіны (2003p);
Ганаровая Грамата Кыргызскай Рэспублікі (2003);
Ганаровая грамата Вярхоўнай Рады Украіны (2007);
Ордэн «За заслугі» II ступені (2008).
Ганаровы доктар Кыргызска-расійскага славянскага ўніверсітэта (2003);
Ганаровы грамадзянін г. Гародня (2008)

Гл. таксама

Пасольства Украіны ў Рэспубліцы Беларусь

Зноскі

Спасылкі

Чернігівська обласна рада(недаступная спасылка)
Посольство України в Республіці Білорусь Архівавана 11 чэрвеня 2010.
- Чернігівський монітор(недаступная спасылка)

‎