Пётр Васілевіч Палятаеў (24 студзеня 1914, ст. Навасергіеўская, Арэнбургская вобласць, Расія — 1989) — фізіёлаг. Доктар біялагічных навук (1967), прафесар (1968). Удзельнік Вялікай Айчыннай вайны.
Скончыў Омскі сельскагаспадарчы інстытут (зоатэхнічны факультэт, 1937), Сельскагаспадарчую акадэмію імя К. А. Ціміразева (аспірантура, 1947).
Працаваў у Яраслаўскай доследнай станцыі па жывёлагадоўлі (1937—1939), Алтайскім сельскагаспадарчым інстытуце (1947—1958, загадчык кафедры фізіялогіі, адначасова дэкан зоатэхнічнага факультэта), Валагодскім малочным інстытуце (1958—1968, загадчык кафедры фізіялогіі), Гомельскім дзяржаўным універсітэце (1969—1971, загадчык кафедры фізіялогіі чалавека, жывёл і біяхіміі), Белгарадскім дзяржаўным педагагічным інстытуце (з 1971, професар кафедры анатоміі і фізіялогіі чалавека і жывёл, у 1971—1986 — загадчык кафедры).
Навуковыя інтарэсы: фізіялогія жывёл; педагогіка вышэйшай і сярэдняй школы.