Пётр Антонавіч Хомчанка (8 ліпеня 1906, вёска Міклашы, Віцебскі раён — 31 мая 1973) —— адзін з кіраўнікоў партызанскага руху ў Віцебскай і Вілейскай абласцях.
З 1927 года — на службе ў Чырвонай Арміі. У 1930 годзе скончыў Аб’яднаную Беларускую ваенную школу імя ЦВК БССР, у 1941 годзе — Інтэнданцкую акадэмію Чырвонай Арміі. Удзельнік савецка-фінляндскай вайны. У Айчынную вайну ўдзельнік баёў пад Ленінградам. У партызанах з чэрвеня 1942 года: камандзір аддзялення, ў ліпені — кастрычніку 1942 начальнік штаба, у кастрычніку 1942 — сакавіку 1943 камандзір партызанскай брыгады імя С. М. Кароткіна, у сакавіку 1943 — сакавіку 1944 гадоў і ў чэрвені — ліпені 1944 года — камандзір 1-й партызанскай брыгады імя А. В. Суворава. Да 1951 года на савецкай і гаспадарчай рабоце.