wd wp Пошук: ⬜

Пётр Іванавіч Шуйскі

Князь Пётр Іванавіч Шуйскі (загінуў у 1564) — рускі ваенны і дзяржаўны дзеяч, сын Івана Васільевіча Шуйскага.

Біяграфія

У службе з 1540 года. Баярын з 1550 года. Удзельнік Казанскіх паходаў 1547—1548 гадоў. Першы ваявода перадавога палка ў лютым 1547 года, намеснік пскоўскі з 1550 года.

Першы ваявода перадавога палка ў Казанскім паходзе 1550 года. Заснавальнік Свіяжска разам з А. Б. Гарбатым. Намеснік і вялікі ваявода свіяжскі (1552—1553), намеснік казанскі (1553—1557).

Першы ваявода Вялікага палка (1558—1562) у Лівонскую вайну, ваявода Вялікага палка ў паходзе 1563 года на Полацк пад камандаваннем князя старыцкага. Намеснік полацкі з 1563 года.

У бітве пры Чашніках 26 студзеня 1564 года пацярпеў паражэнне. Страціўшы ў бітве каня, пешшу прыйшоў у суседнюю вёску. Паводле некаторых звестак, пазнаўшы ў ім маскоўскага ваяводу, сяляне абрабавалі яго, а затым утапілі ў студні. Цела рускага галоўнакамандуючага было знойдзена пераможцамі. У знак сваёй перамогі літоўскі ваявода Мікалай Радзівіл прывёз прах Шуйскага ў Вільню, дзе ён быў з ушанаваннямі пахаваны.

Сям’я

Дзеці:

Іван Петравіч Шуйскі (памёр у 1587 годзе)
Мікіта Петравіч Шуйскі (загінуў (заколаты нажом) у Маскве падчас пажару 24 мая 1571)

Зноскі

Літаратура

Шуйский, Петр-Гурий Иванович // Русский биографический словарь : в 25-ти томах. — СПб.—М., 1896—1918. — Т. 23. — С. 514—515. (руск.)

Спасылкі

Шуйские, княжеский род // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.