.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Тэльма Кэтрын Раян «Пэт» Ніксан (англ.: Thelma Catherine Ryan “Pat” Nixon; 16 сакавіка 1912, Невада — 22 чэрвеня 1993, Нью-Джэрсі) — першая лэдзі ЗША з 20 студзеня 1969 г па 9 жніўня 1974 года, бо ў гэтыя ж гады яе муж Рычард Ніксан быў 37-м Прэзідэнтам Злучаных Штатаў Амерыкі ад Рэспубліканскай партыі.
Нарадзілася ў Невадзе. Вырасла ў Лос-Анджэлесе, Каліфорнія. У 1929 годзе Пэт скончыла сярэднюю школу, а затым вучылася ў Фулертанскім каледжы. Па заканчэнні каледжа праходзіла навучанне ва Універсітэце Паўднёвай Каліфорніі. Для аплаты адукацыі яна працавала на некалькіх працоўных месцах, у тым ліку ў аптэцы, машыністкай і рэнтгенолагам. У 1940 годзе яна выйшла замуж за юрыста Рычарда Ніксана, у іх нарадзіліся дзве дачкі. Пэт сумесна з мужам удзельнічала ў яго паспяховай кампаніі на выбарах у кангрэс у 1946 і 1948 гадах. Пазней яна стала «Другой лэдзі Злучаных Штатаў», калі яе муж быў абраны віцэ-прэзідэнтам пры Дуайце Эйзенхаўэры. У гэтай якасці Пэт правяла са сваім мужам шмат місій добрай волі, якія атрымалі спрыяльнае асвятленне ў сродках масавай інфармацыі. Яна дапамагала мужу ў яго няўдалай прэзідэнцкай кампаніі 1960 года, а затым у яго паспяховай кампаніі 1968 года.