Прыдняпро́ўе[3] (трансліт.: Prydniaproŭje, руск.: Приднепровье) (да 30 ліпеня 1964 года Кабыля́кі[4]) — вёска ў Аршанскім раёне Віцебскай вобласці. Уваходзіць у склад Андрэеўшчынскага сельсавета.
Вёска размешчана за 2 км на паўночны ўсход ад Оршы і месціца на правым беразе Дняпра.
Каля вёскі знаходзіцца Кабяляцкае радовішча даламіту. Пластавы паклад звязаны з карэннымі адкладамі франкскага яруса (верхні дэвон). Ускрыша ўтворана пяскамі, марэннымі супескамі са жвірам і галькай.
Перад вайной у вёсцы жыло 82 чалавек у 20 дварах[5].
Падчас Вялікай Айчыннай вайны ў чэрвені 1944 года гітлераўцамі было спалена 20 дамоў[5].