Пратэ́і (Proteidae) — сямейства хвастатых земнаводных.
Складаецца з двух родаў, якія жывуць у Паўночнай Амерыцы (Necturus, 5 відаў) і Заходняй Еўропе (Proteus, 1 від — пратэй еўрапейскі).
Цела выцягнутае, даўжынёю да 30-40 см, хвост доўгі, вёслападобны, з плаўніковай складкай. Вонкавых шчэлепаў 3 пары.
Кормяцца беспазваночнымі.
Апладненне ўнутранае.
Мяркуецца, што пратэі — неатэнічныя лічынкі невядомых саламандраў.