wd wp Пошук:

Помнік Івану Паскевічу

Помнік Івану Паскевічу

Помнік Івану Паскевічу — разбураны помнік у Варшаве, прысвечаны намесніку Царства Польскага, фельдмаршалу Расійскай імперыі Івану Фёдаравічу Паскевічу. Знаходзіўся ў Кракаўскім прадмесці, перад цяперашнім Прэзідэнцкім палацам (які зваўся «Намеснікаўскім») на месцы сучаснага помніка Юзафу Панятоўскаму.

Помнік, створаны скульптарам М. С. Піменавым, быў урачыста адкрыты 21 чэрвеня 1870 года ў прысутнасці імператара Аляксандра II. Помнік Юзафу Панятоўскаму, які стаяў на яго месцы раней, быў дэмантаваны пасля прыгнечання паўстання 1830—1831 гадоў і перавезены спачатку ў Навагеоргіеўскую крэпасць, а пазней — у рэзідэнцыю Паскевіча ў Гомелі.

У 1917 годзе помнік па ініцыятыве нямецкіх акупацыйных сіл быў дэмантаваны і разабраны на часткі, якія пасля пераплавілі. Адзіным ацалелым фрагментам стаў адзін з чатырох барэльефаў, які ўпрыгожваў пастамент манумента. На ім намалявана сцэна штурму Варшавы 1831 года рускай арміяй. На сённяшні дзень фрагмент захоўваецца ў Музеі Войска Польскага ў Варшаве.

У 1922 Польшчы быў вернуты помнік Панятоўскаму, які быў усталяваны на Саксонскай плошчы аж да яго знішчэння немцамі ў 1944 годзе. На месцы помніка Паскевічу быў пастаўлены помнік легіянерам. У 1965 годзе на гістарычным месцы была ўсталявана копія помніка Панятоўскаму.

Крыніцы

Тэмы гэтай старонкі (7):
Катэгорыя·Зніклі ў 1917 годзе
Катэгорыя·З’явіліся ў 1870 годзе
Катэгорыя·Гісторыя Варшавы
Катэгорыя·Знішчаныя помнікі
Катэгорыя·1870 год у Варшаве
Катэгорыя·Помнікі Варшавы
Катэгорыя·Помнікі Расіі