wd wp Пошук: ⬜

Полосатая газета

«Полосатая газета» — друкаванае выданне для дзяцей 6—13 гадоў[1], сацыяльны праект, які прапагандуе здаровы лад жыцця і духоўна-маральныя каштоўнасці[2][3].

Галоўны рэдактар — Ганна Уладзіміраўна Граноўская (настаўнік пачатковых класаў, педагог-псіхолаг, аўтар нестандартных дапаможнікаў для дзяцей).

Выданне распаўсюджваецца праз падпіску поштай і продаж у «Белсаюздруку». Падпісны індэкс на «Белпошце»: для індывідуальных падпісчыкаў — 63140, для ведамасных — 631402.

Змест

«Паласатая газета» з’яўляецца адзіным ў Беларусі перыядычным выданнем для дзяцей, якое створана пры ўдзеле дзіцячых псіхолагаў[4] і якое таксама ўхваленае дзіцячымі псіхолагамі[5]. Асноўна тэматыка газеты — займальныя навуковыя факты, экалогія, бяспека дзяцей.

На старонках выдання размешчаны галаваломкі, нататкі з падарожжамі па самых розных кутках света, публікацыі з асвятленнем дзіўных падзей, здольнасцяў людзей і жывёл. Таксама ёсць рубрыка аб асаблівых дзецях[6].

Рубрыкі

«Хуткая дапамога» — распавядае аб тым, што трэба рабіць у экстрэмальных сітуацыях. Напрыклад, калі цябе ўкусіла змяя, калі ты падавіўся, затрымаўся ў ліфце і гэтак далей.
«Скрыжаванне» — распавядае аб правілах дарожнага руху.
«Крэсіва» — распавядае аб абыходжанні з агнём.
«Трыбуна» — у рубрыцы кожнае дзіця можа звярнуцца да дарослых і распавесці аб сваёй набалелай праблеме.
«Неверагодна, але факт» — у рубрыцы вы даведаецеся пра дзіўныя адкрыцці.
«Зніклы свет» — у рубрыцы вы даведаецеся аб незвычайных жывёл, якія калісьці засялялі нашу планету.
«Планета дабрыні» — у рубрыцы публікуюцца гісторыі аб маленькіх гераічных учынках, якія не могуць не крануць сэрцы людзей.
«Гульнявая палянка» — рубрыка з вясёлымі заданнямі і рэбусамі.

Узнагароды

2016 год — лаўрэат ХІІ Нацыянальнага конкурсу друкаваных сродкаў масавай інфармацыі «Залатая Ліцера» у намінацыі «Лепшыя матэрыялы для дзяцей і юнацтва»[5].
2019 год — пераможца на V Усерасійскім фестывалі дзіцячай прэсы «Чароўнае слова» (Масква) у намінацыі «Лепшая газета для малодшых школьнікаў»[5][7].
2020 год — пераможца на VI Усерасійскім фестывалі дзіцячай прэсы «Чароўнае слова» у намінацыі «Лепшая газета для малодшых школьнікаў»[8].

Зноскі

↑ Спасюк Е.. Кризис поставил под удар детскую «Полосатую газету» (нявызн.). БелаПАН (12 мая 2015). Праверана 24 ліпеня 2022.
↑ Детская газета - «Полосатая газета» (нявызн.). інтэрнет часопіс «Ваш сад и дача». Праверана 24 ліпеня 2022.
↑ Детское издание «Полосатая газета» (нявызн.). diva.by (12 лістапада 2013). Праверана 24 ліпеня 2022.
↑ Наш друг - “Полосатая газета”, очень добрый проект для детей (нявызн.). Грамадскае аб’яднанне абароны жывёл «Кот у акенцы» (2 лістапада 2014). Праверана 24 ліпеня 2022.
1 2 3 Берестовицкая райбиблиотека получила подарок от «Полосатой газеты» (нявызн.). Бераставiцкая газета (20 красавіка 2020). Праверана 24 ліпеня 2022.
↑ Полосатая газета возвращает добро в детские сердца (нявызн.). childrenspace.by (17 чэрвеня 2022). Праверана 26 ліпеня 2022.
↑ Детские белорусские СМИ приняли участие в V Всероссийском фестивале детской прессы «Волшебное слово» (нявызн.). РУП «Дом прэссы» (9 верасня 2019). Праверана 24 ліпеня 2022.
↑ Усачёва К.. Завершился VI Всероссийский фестиваль «Волшебное слово» (нявызн.). газета «Перемена-Пермь» (20 лістапада 2020). Праверана 24 ліпеня 2022.