Перл Бак[7], народжаная Сайдэнстрыкер (англ.: Pearl Sydenstricker Buck; кітайскае імя 赛珍珠, Sài Zhēnzhū; 26 чэрвеня 1892 — 6 сакавіка 1973) — амерыканская пісьменніца, лаўрэат Нобелеўскай прэміі па літаратуры. Дачка місіянера, яна правяла дзяцінства і юнацтва ў Кітаі, у краіне, якая натхніла яе на напісанне сваіх твораў.
У 1938 годзе становіцца лаўрэатам Нобелеўскай прэміі па літаратуры «За шматграннае, сапраўды эпічнае апісанне жыцця кітайскіх сялян і за біяграфічныя шэдэўры». У Кітаі часта лічыцца кітайскай пісьменніцай.