Пераку́ль, Перакатка — рака ў Дзяржынскім і Стаўбцоўскім раёнах Мінскай вобласці Беларусі, левы прыток ракі Сула (басейн Нёмана).
Даўжыня ракі 24 км. Плошча вадазбору 88 км². Пачынаецца прыкладна за 1 км на ўсход ад вёскі Ціскаўшчына, упадае ў Сулу прыкладна за 0,4 км у напрамку на паўночны ўсход ад вёскі Рудня. Вадазбор на паўднёва-заходняй ускраіне Мінскага ўзвышша. Асноўны прыток — рака Нябела (злева).