Паўднёвая Ірландыя (англ.: Southern Ireland, ірл.: Deisceart Éireann) — адміністрацыйна-палітычная частка Злучанага Каралеўства Вялікабрытаніі і Ірландыі, створаная паводле Акту аб Урадзе Ірландыі 1920 года на пару з Паўночнай Ірландыяй[1]. Была ўтворана 3 мая 1921 года і скасавана 6 снежня 1922 года[2], калі быў заключаны Англа-ірландскі дагавор, паводле якога Ірландыя была прызнана Вялікабрытаніяй у якасці дамініёна і была створана Ірландская Свабодная дзяржава.