«Пане́сеныя пры́відамі», «Сэн, або Ціхіро выкрадзеная духамі» (яп.: 千と千尋の神隠し) — японскі анімацыйны анімэ-фільм рэжысёра Хаяо Міядзакі 2001 года. Пераможца прэміі «Оскар» (2003) у намінацыі «Найлепшы анімацыйны поўнаметражны фільм».
Сюжэт фільма распавядае пра 10-гадовую дзяўчынку па імі Ціхіро Агіно, якая пераязджае ў новы дом. Але яна трапляе ў іншы свет, населены прывідамі і монстрамі. Пасля таго як яе бацькоў ператварае ў свіней ведзьма Юбаба, Ціхіро ідзе на працу ў лазню Юбабы, каб знайсці спосаб вызваліць сябе і сваіх бацькоў, а таксама вярнуцца ў чалавечы свет.