Панграма
Панграма (грэч.: pan gramma — «кожная літара») — выказванне, якое выкарыстоўвае кожную літару алфавіту прынамсі адзін раз.
Панграмы ужываюць для адлюстравання гарнітуры шрыфтоў, выпрабавання каналаў перадачы і сувязнога абсталявання, развіцця навыкаў пісьма, каліграфіі, набору тэксту на клавіятуры.
Прыклады панграм:
- па-англійску: «The quick brown fox jumps over the lazy dog»;
- па-нямецку: «Victor jagt zwölf Boxkämpfer quer über den Sylter Deich»;
- па-французску: «Portez ce vieux whisky au juge blond qui fume»;
- па-іспанску: «Whisky bueno: ¡excitad mi frágil pequeña vejez!»
- па-польску: «Stróż pchnął kość w quiz gędźb vel fax myjń.»
- па-беларуску: «У Іўі худы жвавы чорт у зялёнай камізэльцы пабег пад’есці фаршу з юшкай». «Я жорстка заб’ю проста ў сэрца гэты расквечаны профіль, што ходзіць ля маёй хаты». «У рудога вераб’я ў сховішчы пад фатэлем ляжаць нейкія гаючыя зёлкі».
Карацейшыя панграмы звычайна з’яўляюцца больш цікавымі і цяжэйшымі для напісання, таму што ў жывых мовах некаторыя літары (звычайна галосныя) ужываюцца значна часцей, чым іншыя. У пэўным сэнсе, панграма з’яўляецца супрацьлегласцю ліпаграмы, мэта якой — пазбегнуць адной або некалькіх літар.
Ідэальная панграма ў англійскай мове ўтрымлівае ўсе літары алфавіта толькі адзін раз, яе можна разглядаць як анаграму лацінскага алфавіта. Тыповым прыкладам з’яўляецца фраза «Cwm fjord bank glyphs vext quiz».
 |
Панграма на Вікісховішчы |
|---|
Катэгорыя·Моўныя гульні
Катэгорыя·Тыпаграфіка
Катэгорыя·Вікіпедыя·Спасылка на Вікісховішча непасрэдна ў артыкуле