wd wp Пошук:
    ⬜

    Пажар на АС-31

    Міністр абароны Расійскай Федэрацыі дакладвае Вярхоўнаму галоўнакамандуючаму Узброенымі сіламі Расійскай Федэрацыі пра аварыю на падлодцы. Масква, Крэмль, 2 лiпеня 2019 года

    1 ліпеня 2019 года на атамным глыбакаводным апараце АС-31 (па іншых крыніцах АС-12) «Лошарик», што знаходзіўся на палігоне баявой падрыхтоўкі Паўночнага флоту Расіі ў раёне Кольскага заліва Баранцавага мора, адбылося ўзгаранне, якое прывяло да гібелі 14 маракоў.

    Падводны апарат

    Навукова-даследчы глыбакаводны апарат прызначаны для вывучэння прыдоннай прасторы і дна Сусветнага акіяна ў інтарэсах Ваенна-марскога флоту Расіі[1]. Па афіцыйных даных ён не нясе ўзбраення і можа апускацца на глыбіню да 6000 метраў, экіпаж складае 25 чалавек. Пры гэтым Пентагон заяўляў, што АС-31 з’яўляецца дыверсійным апаратам, які можа выкарыстоўвацца для разбурэння падводнай інфраструктуры. Станцыя была спушчаная на ваду ў жніўні 2003 года. «Лошарик» уваходзіць у склад Галоўнага ўпраўлення глыбакаводных даследаванняў Мінабароны Расіі, вядомага як «Падводная разведка», і падпарадкоўваецца непасрэдна міністру абароны краіны[2][3].

    Як мяркуе Ваенна-марскі інстытут ЗША, атамная глыбакаводная станцыя АС-31 «Лошарик» прызначаная для разгортвання ў Паўночнай Атлантыцы. Амерыканская экспертная арганізацыя піша, што «аварыя адбылася падчас летняга перыяду эксплуатацыі лодак Галоўнага ўпраўлення глыбакаводных даследаванняў Мінабароны Расіі, што папярэднічаюць працам па разгортванні ў Паўночнай Атлантыцы[4]. Рэсурс The Barents Observer удакладняе, што АС-31 «Лошарик» можа «транспартаваць невялікія прылады для ваенных мэтаў, прызначаныя для размяшчэння на марскім дне»[5].

    Узгаранне

    Паводле афіцыйнай версіі ўзгаранне адбылося ў ходзе правядзення вымярэнняў рэльефу дна[6].

    Дзякуючы своечасовым, самаадданым і разумным дзеянням падводнікі цаной сваіх жыццяў ліквідавалі ачаг узгарання, выратавалі сваіх таварышаў і глыбакаводных апарат[7]. — Міністэрства абароны Расійскай Федэрацыі

    Пажар узнік у адным з адсекаў. Пасля гэтага адбылася серыя выбухаў, якую адчулі на лодцы-носьбіце БС-136 «Оренбург»(руск.) бел. — апарат у гэты момант знаходзіўся ў працэсе стыкоўкі з ёю.

    Па дадзеных расійскага выдання «Коммерсант», трагічныя падзеі пачалі развівацца падчас стыкоўкі станцыі з лодкай-носьбітам. Менавіта тады на борце АС-31 у акумулятарным адсеку з’явіўся дым. Камандзір загадаў праверыць дыхальныя апараты і перайсці на носьбіт усім, хто не будзе задзейнічаны у барацьбе за жывучасць. У выніку борт АС-31 пакінулі шэсць чалавек, а дзесяць афіцэраў-гідранаўтаў засталіся на станцыі, працягнуўшы барацьбу за жывучасць карабля. Пазней агляд дастаўленага на базу АС-31 паказаў, што гідранаўты патрацілі ўсе сродкі пажаратушэння, якія былі на борце. Пасля таго як некаторыя падводнікі пачалі губляць прытомнасць, камандзір АС-31 запытаў у камандзіра лодкі-носьбіта дазволу эвакуявацца на носьбіт. Каб дапамагчы ім падняцца з АС-31 у носьбіт, у шлюзавай прыладзе іх сустракалі чацвёра гідранаўтаў з другога экіпажа. У момант падрыхтоўкі экіпажа да эвакуацыі адбыўся выбух, які забраў жыцці ўсіх чатырнаццаці маракоў. Пазней эксперты ўстанавілі, што выбухнула акумулятарная батарэя[8][9].

    Як сказаў міністр абароны Расіі Сяргея Шайгу, узгаранне адбылося ў акумулятарным адсеку. Ядзерная энергетычная ўстаноўка не пацярпела, і ён выказаў спадзяванне на даволі кароткія тэрміны па аднаўленні апарата[10].

    Узгаранне прывяло да гібелі 14 маракоў-падводнікаў у выніку атручвання прадуктамі гарэння[11][12], у тым ліку 7 капітанаў 1-га рангу, 3 капітаны 2-га рангу, 2 капітаны 3-га рангу, капітан-лейтэнант і падпалкоўнік медыцынскай службы.

    Расследаваннем здарэння занялася аператыўна-следчая група ў складзе супрацоўнікаў з Дэпартамента ваеннай контрвыведкі ФСБ і Галоўнага ваеннага следчага ўпраўлення СКР[13].

    Спіс загінуўшых

    Спіс загінуўшых[7][14]:

    Усе загінуўшыя былі прыпісаны да вайсковай часці 45707 у Пецяргофу[15].

    Памяць

    Указам прэзідэнта РФ аб пасмяротных званнях і ўзнагародах загінулым званне Героя Расійскай Федэрацыі прысвоена А. В. Васкрасенскаму, Д. А. Апарыну, Д. А. Салаўёву і К. Ю. Сомаву. Ордэнам Мужнасці ўзнагароджаны В. Л. Абанкiн, А. В. Аўдонін, А. С. Васільеў, С. П. Данільчанка, Д. В. Дaлонскi, М. І. Дубкоў, К. А. Іваноў, В. С. Кузьмін , В. Г. Сухінічыў і Н. І. Філін[16][17].

    Імёны загінулых будуць увекавечаны ў Кранштацкім Марскім саборы[18].

    Пахаванне прайшло 6 ліпеня 2019 года ў Санкт-Пецярбургу на Серафімаўскі могілках. У грамадзянскай паніхідзе прынялі ўдзел намеснік міністра абароны генерал-палкоўнік Андрэй Картапалаў, камандуючы войскамі Заходняй ваеннай акругі генерал-палкоўнік Аляксандр Жураўлёў, камандуючы ВМФ РФ адмірал Мікалай Яўменаў, часова выконваючы абавязкі губернатара Пецярбурга Аляксандр Бегла і старшыня гарадскога Заканадаўчага сходу Вячаслаў Макараў.

    Зноскі

    1. ↑ tass.ru
    2. ↑ novayagazeta.ru
    3. ↑ nashaniva.by
    4. ↑ news.usni.org
    5. ↑ nashaniva.by
    6. ↑ При пожаре на глубоководном аппарате в водах РФ погибли 14 моряков. ТАСС (2 ліпеня 2019).
    7. 1 2 Список погибших членов команды научно-исследовательского глубоководного аппарата. Минобороны России (3 ліпеня 2019).
    8. ↑ kommersant.ru
    9. ↑ nashaniva.by
    10. ↑ Встреча с Министром обороны Сергеем Шойгу. Kremlin.ru (4 ліпеня 2019).
    11. ↑ Николай Сергеев Гидронавты погибли в объёмном пожаре. «Коммерсантъ» (3 ліпеня 2019).
    12. ↑ Мария Бондаренко, Петр Канаев, Инна Сидоркова При пожаре на глубоководном аппарате Минобороны погибли 14 подводников. РБК (2 ліпеня 2019).
    13. ↑ На АС-31 начали всплывать причины. Появилась первая версия возникновения пожара на глубоководной станции // Статья в № 115 от 04.07.2019 г. газеты «Коммерсантъ». С. Машкин. (С. 1).
    14. ↑ «Мы ненадолго, скоро буду»: истории погибших на АС-31 // Статья от 04.07.2019 г. «Газета.Ru» Я. Лысенко.
    15. ↑ Тумакова И.На тех глубинах, где они ходят, воевать не с кем, Новая газета, 2019.
    16. ↑ Указ о награждении государственными наградами Российской Федерации. Президент России (5 ліпеня 2019).
    17. ↑ Путин наградил подводников, погибших в Баренцевом море // Статья от 05.07.2019 г. «Русская Служба BBC».
    18. ↑ В Кронштадтском Морском соборе увековечат имена погибших подводников / Российская газета
    Тэмы гэтай старонкі (8):
    Катэгорыя·Паўночны флот
    Катэгорыя·Вікіпедыя·Запыты на пераклад з рускай
    Катэгорыя·Падзеі 1 ліпеня
    Катэгорыя·Баранцава мора
    Катэгорыя·Пажары
    Катэгорыя·2019 год у Расіі
    Катэгорыя·Катастрофы 2019 года
    Катэгорыя·Ліпень 2019 года