У гэтага паняцця ёсць і іншыя значэнні, гл. Падмані мяне.
«Падмані мяне» (англ.: «Lie to Me») — амерыканскі серыял 2009—2011 гадоў пра расследаванне злачынстваў спецыялістамі, якія вывучаюць паводзіны цела і твару чалавека падчас хлусні. У маі 2011 года тэлеканал FOX закрыў серыял[1].
Доктар Кэл Лайтман лічыць, што ўсё хлусяць. І каб даказаць гэта, яму дастаткова пару хвілін пагутарыць з чалавекам. Любы рух, жэст, любое неасцярожнае слова могуць выдаць ілгуна. Трэба толькі ўмець гэта ўбачыць. Сярэднестатыстычны чалавек хлусіць тры разы за дзесяць хвілін гутаркі. Задача Дактары Лайтмана і яго калег — распазнаць гэту хлусню. Выкарыстоўваючы свае таленты, яны ратуюць ад турмы невінаватых і саджаюць за рашотку злачынцаў. Да Агенцтва Lightman Group звяртаюцца за дапамогай ФБР, урад, Кангрэс і нават Прэзідэнт ЗША.
Доктар Кэл Лайтман (прозвішча сугучная з англійскай назвай тэлесерыяла: Lie to me ~ Lightman) са сваёй камандай з’яўляюцца жывымі дэтэктарамі хлусні, якія могуць без вялікіх намаганняў распазнаць хлусіць чалавек ці не.
Доктар Кэл Лайтман (Цім Рот) можа адрозніць праўду і хлусні на аснове аналізу паводзін чалавека: мімікі твару, рухаў цела, голаса і мовы. Лайтман можа адразу вызначыць, што чалавек хлусіць, па нервовым жэсце, па вуглу броваў, па змене інтанацыі ў голасе… Аналізуючы міміку, ён можа даведацца, што чалавек адчувае ў гэты момант — ад утоенай незадаволенасці да сексуальнай цягі і рэўнасці. Але Лайтман таксама разумее, што яго здольнасці — гэта адначасова і дар, і праклён у яго асабістым жыцці, і калі ўвесь час лавіць каго-небудзь на хлусні, то гэта можа моцна падарваць роднасныя адносіны. Доктар Лайтман — галоўны ў свеце спецыяліст па вызначэнню хлусні і зману; вучоны, які вывучае міміку твару і мову цела для вызначэння не толькі самага факту хлусні, але і прычын гэтага. Лайтман узначальвае каманду экспертаў «The Lightman Group», якія дапамагаюць ФБР, дзяржаўным органам і мясцовай паліцыі ў рашэнні самых заблытаных выпадкаў.
Доктар Джыліян Фостэр (Келі Уільямс) — адораны псіхатэрапеўт і эксперт каманды Лайтмана. Яна прыўносіць збалансаванасць у гэта партнёрства, з прычыны таго, што разглядае кожны выпадак у цэлым, у той час як Лайтман канцэнтруецца на асобных дэталях. Яму неабходны яе здольнасці да пераканання і разумення паводзін людзей, — усё роўна, усведамляе ён гэта ці няма. Валодае гіпнозам. Была замужам, але ў сувязі з тым, што стамілася займацца самаўнушэннем, пераконваючы сябе ў тым, што яе шлюб у парадку і не распадаецца, вырашыла развесціся. Яны ўдачаралі дзіця, але біялагічная маці вярнула немаўля.
Ілай Локер (Брэндан П. Хайнс) — вядучы даследчык у камандзе Лайтмана, якому настолькі непрыемна хлусня, што ён жыве па ўласным прынцыпе «радыкальнай сумленнасці». Ён заўсёды гаворыць тое, што думае, і, вядома, часта расплачвацца за гэта. У канцы першага сезона Локер ашукаў Лайтмана, і хоць пасля і прызнаўся ў змане, бос зрабіў яго неаплачаным стажорам.
Рыа Торэс (Моніка Рэймунд) — эксперт у камандзе Лайтмана. Яна — адна з нешматлікіх, хто ад нараджэння мае дар па вызначэнню хлусні і падману. Праўда, яе здольнасць «чытаць людзей» пакуль што не развіта належным чынам. У адной з серый Лайтман мяркуе, што Рыа ў дзяцінстве біў яе бацька, і, спрабуючы ўлавіць яго настрой, яна і навучылася чытаць эмоцыі.
Эмілі Лайтман (Хэйлі Мак-Фарланд) — дачка-падлетак Лайтмана. Яна знаходзіцца пад сумеснай апекай бацькоў, і хоць ёй не падабаецца здольнасць бацькі «чытаць» яе, яна не адмаўляе яго заслуг для соцыуму. Часам яна дэманструе талент «чытання» людзей, нават свайго бацькі.
Бэн Рэйнальдс (Мехі Файфер) — агент ФБР, прызначаны дапамагаць групе Лайтмана ў расследаваннях і забяспечваць абарону. У адрозненне ад іншых членаў каманды мае рэзкі падыход да падазроных.
| № | Назва | Працягласць |
|---|---|---|
| 1. | «Ryan Star — Brand New Day» | 03:10 |
| 2. | «Aqualung — Easier To Lie» | 03:21 |
| 3. | «The Black Keys — Lies» | 03:57 |
| 4. | «Crowded House — Four Seasons in One Day» | 02:48 |
Асноўны артыкул: Спіс эпізодаў тэлесерыяла «Падмані мяне»
| Сезон | Эпізоды | Прэм'ера | Апошні паказ | |
|---|---|---|---|---|
| Сезон 1 | 13 | 21 студзеня, 2009 | 13 мая, 2009 | |
| Сезон 2 | 22 | 28 верасня, 2009 | 30 жніўня, 2010 | |
| Сезон 3 | 13 | 4 кастрычніка, 2010 | 31 студзеня, 2011 | |
Серыял быў высунуты ў дзвюх намінацыях на 37-м конкурсе People’s Choice Awards і перамог у іх: