Паддабра́нскі сельсавет — былая адміністрацыйна-тэрытарыяльная адзінка ў складзе Церахоўскага раёна Гомельскай вобласці. Цэнтр — вёска Паддабранка.
Пасля другога ўзбуйнення БССР з 8 снежня 1926 года сельсавет у складзе Насовіцкага раёна Гомельскай акругі БССР. З 4 жніўня 1927 года ў складзе Церахоўскага раёна. 30 снежня 1927 года сельсавет скасаваны, у сувязі з наданнем Паддабранцы статуса мястэчка і ўтварэння Паддабранскага местачковага Савета.
27 верасня 1938 года сельсавет адноўлены ў складзе Церахоўскага раёна Гомельскай вобласці ў сувязі з аднясеннем мястэчка Паддабранка да катэгорыі паселішчаў сельскага тыпу і рэарганізацыі местачковага Савета ў сельсавет. 16 ліпеня 1954 года скасаваны, тэрыторыя далучана да Маркавіцкага сельсавета[1].