Падво́рыцкі сельсавет — былая адміністрацыйна-тэрытарыяльная адзінка ў складзе Сенненскага раёна Віцебскай вобласці. Цэнтр — вёска Падворыца.
Утвораны 20 жніўня 1924 года ў складзе Сенненскага раёна Віцебскай акругі БССР. 12 кастрычніка 1929 года скасаваны, тэрыторыя далучана да Машчонскага сельсавета.
20 жніўня 1933 года ўтвораны зноў у складзе Сенненскага раёна БССР з часткі Машчонскага сельсавета. З 20 лютага 1938 года ў складзе Віцебскай вобласці. 16 ліпеня 1954 года скасаваны, тэрыторыя далучана да Гарывецкага сельсавета[1].