У Вікіпедыі ёсць артыкулы пра іншых асоб з прозвішчам Іваноў. Павел Уладзіміравіч Іваноў (нар. 3 верасня 1955, Саратаўская вобласць) — дэкан факультэта экранных мастацтваў БДАМ, прафесар кафедры рэжысуры кіно і тэлебачання, дацэнт. Член Саюза пісьменнікаў Беларусі. Член Беларускага саюза журналістаў. Член праўлення Беларускага саюза кінематаграфістаў. Акадэмік Еўразійскай акадэміі тэлебачання і радыё.
У 1981 годзе скончыў Саратаўскае тэатральнае вучылішча ім. Слонова, аддзяленне «Акцёр драматычнага тэатра», працаваў акцёрам у рускім драмтэатры г. Самарканда і Бранскам тэатры юнага гледача. У 1988 годзе скончыў Беларускі дзяржаўны тэатральна-мастацкі інстытут, аддзяленне «Рэжысура драмы».
Рэжысёр вышэйшай катэгорыі, лаўрэат міжнародных конкурсаў.