Павел Мікалаевіч Гапонік (4 лістапада 1941, в. Горталь, Івацэвіцкі раён, Брэсцкая вобласць — 13 снежня 2013) — беларускі хімік-арганік. Доктар хімічных навук (2001), прафесар (2008).
Скончыў Беларускі дзяржаўны ўніверсітэт (спецыяльнасць «Хімія», 1965).
Працаваў у Навукова-даследчым інстытуце фізіка-хімічных праблем Беларускага дзяржаўнага ўніверсітэта (лабараторыя хіміі кандэнсаваных асяроддзяў, галоўны навуковы супрацоўнік).
Навуковыя інтарэсы: фундаментальныя і прыкладныя праблемы хіміі гетэрацыклічных, каардынацыйных, металаарганічных і высокамалекулярных злучэнняў.
Медаль «За працоўную доблесць» (1981), нагрудны знак «Вынаходнік СССР» (1985), званне «Заслужаны работнік Беларускага дзяржаўнага ўніверсітэта» (2011).