У Вікіпедыі ёсць артыкулы пра іншых асоб з прозвішчам Бяляеў. Павел Іванавіч Бяляеў (26 чэрвеня 1925 — 10 ліпеня 1970) — савецкі касманаўт. Герой Савецкага Саюза (1965), лётчык-касманаўт СССР (1965).
Скончыў Ейскае авіявучылішча марскіх лётчыкаў-знішчальнікаў (1945), Ваенна-паветраную акадэмію (цяпер імя Ю. А. Гагарына). З 1960 года ў атрадзе касманаўтаў. 18—19.3.1965 года з А. А. Лявонавым здзейсніў палёт як камандзір касмічнага карабля «Узыход-2». У час палёту кіраваў выхадам Лявонава ў адкрыты космас (упершыню ў свеце). Пры пасадцы выкарыстаў сістэму ручнога кіравання. Працягласць палёту 2,08 сутак. Залаты медаль імя К. Э. Цыялкоўскага АН СССР.