У Вікіпедыі ёсць артыкулы пра іншых асоб з прозвішчам Чараднічэнка. Ніна Данілаўна Чараднічэ́нка (нар. 7 лістапада 1947, в. Лісава, Нараўлянскі раён, Гомельская вобласць, БССР, СССР) — беларуская спявачка (1-ы альт). Заслужаная артыстка Беларусі (1997).
Скончыла ў 1972 годзе Магілёўскае культурна-асветніцкае вучылішча. З 1969 года ў Дзяржаўным акадэмічным народным хоры імя Г. Цітовіча. Валодае прыгожым выразным голасам шырокага дыяпазону, сцэнічнай культурай. Выканаўца (сола і ў дуэце) многіх твораў беларускіх кампазітараў, народных беларускіх, рускіх і ўкраінскіх песень.
Член Беларускага саюза музычных дзеячаў з 2000 года.