wd wp Пошук: ⬜

Ніна Аляксандраўна Русак

У Вікіпедыі ёсць артыкулы пра іншых асоб з прозвішчам Русак. Ніна Аляксандраўна Руса́к[1] (14 жніўня 1937 — 8 снежня 1999) — вучоны-эканаміст, доктар эканамічных навук (1991), прафесар (1992).

Біяграфія

Нарадзілася ў вёсцы Яршэвічы (Валожынскі раён Мінскай вобласці Беларусі). У 1962 годзе скончыла Беларускі інстытут народнай гаспадаркі і засталася працаваць у ім на кафедры бухгалтарскага ўліку, аналізу і аўдыту ў прамысловасці. Займала пасады старшага выкладчыка, дацэнта, прафесара.

Навуковая дзейнасць

Аўтар навуковых прац па эканамічным і фінансавым аналізе дзейнасці суб’ектаў гаспадарання. Распрацавала тэарэтычныя асновы па ўдасканаленню прагнознага, шматварыянтнага і аператыўнага аналізу дзейнасці прамысловых прадпрыемстваў ва ўмовах рыначнай эканомікі. Упершыню абгрунтавала методыку аналізу выдаткаў сыравіны ў кандытарскай і цукровай прамысловасці. Распрацавала методыкі ў галіне прагназавання прыбытку і фінансавага стану прадпрыемства, а таксама рэкамендацыі па развіцці аператыўнага аналізу з выкарыстаннем ПЭВМ [2].

Таксама займалася навукова-метадычнай працай. Пад кіраўніцтвам Н. А. Русак падрыхтаваны 12 кандыдацкіх дысертацый[2]. Аўтар больш за 100 навуковых прац[2].

Сярод апублікаваных прац:

Экономический анализ деятельности производственных объединений кондитерской промышленности: моногр. — Мн., 1983;
Экономический анализ в условиях самофинансирования предиприятий. — Мн., 1989;
Основы финансового анализа. — Мн., 1995 (разам з В. А. Русаком);
Экономический анализ деятельности перерабатывающих предприятий АПК. — Мн., 1995;
Теория анализа хозяйственной деятельности. — Мн., 2001 у сааўтарстве).

Зноскі

↑ БелЭн, 2001
1 2 3 Русак Нина Александровна // ЭКОНОМИКА.BY (руск.)

Літаратура

Савік М. П. Русак Ніна Аляксандраўна // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 454. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі