Новакулі́т, арканзаскі камень, крамяністы сланец — асадкавая горная парода.
Шчыльная крамяністая парода белага колеру з аднастайнай крыптакрысталічнай структурай. Складаецца з агрэгатаў хаатычна арыентаваных зерняў кварцу блізкіх памераў з добра вызначанымі межамі паміж імі. Утвараецца з крэменязёму пры вулканічных працэсах.
Выкарыстоўваецца ў якасці тонкага абразіўнага (тасыльнага) каменя, у т.л. у ювелірнай справе.
Буйнейшыя радовішчы новакуліту знаходзяцца ў ЗША.