Небылова — возера ва Ушацкім раёне Віцебскай вобласці, за 14 км на ўсход ад гарадскога пасёлка Ушачы, за 0,7 км на захад ад вёскі Слабада, у басейне ракі Тураўлянка.
Плошча паверхні 0,02 км². Даўжыня 0,21 км, найбольшая шырыня 0,14 км. Найбольшая глыбіня 2,5 м, сярэдняя — 1,07 м. Даўжыня берагавой лініі 0,56 км. Аб’ём вады ў возеры 0,02 млн м³.
Размешчана сярод поля ў забалочаным паніжэнні. Злучана канавай з ракой Выдрыца.