wd wp Пошук: ⬜

Наталля Уладзіміраўна Бачкарова

Артыкулу не хапае спасылак на крыніцы.

Звесткі мусяць быць правяральнымі або іх могуць выдаліць. Вы можаце адрэдагаваць артыкул, дадаўшы спасылкі на аўтарытэтныя крыніцы.

Наталля Уладзіміраўна Бачкарова (руск.: Наталья Владимировна Бочкарёва; нар. 25 ліпеня 1980, Ніжні Ноўгарад, Расія) — расійская актрыса тэатра і кіно, спявачка, тэлевядучая. Папулярнасць набыла праз ролю ў тэлесерыяле «Шчаслівыя разам».

Біяграфія

Маці Валерыя (1947—2001), працавала на заводзе ГАЗ, памерла ад сардэчнага прыступу. Бацька — Уладзімір (1954—2006). Малодшая сястра — Надзея (нар. 1986)

Вучылася ў школе № 129 горада Горкага.

У 2000 годзе скончыла Ніжагародскае тэатральнае вучылішча (майстэрня Р. Левіте), у 2002 годзе — Школу-студыю МХАТ (майстэрня А. Табакова), пасля чаго адразу прынята ў трупу МХАТ.

У кіно дэбютавала ў 1999 годзе, сыграла невялікую ролю ў фільме «Кітайскі сервіз».

Стала вядомай роляй Дашы Букінай з тэлесерыяла «Шчаслівыя разам», у якім здымалася ў 2006—2013 гадах. Удзельнічала ў здымках у кіначасопісе «Ералаш».

У 2010 годзе — вядучая на тэлеканале СТБ (Украіна)

Заснавальніца і дырэктарка Школы-студыі «Наталлі Бачкаровай».

Скандал

У ноч з 28 на 29 верасня 2019 года актрыса затрымана за захоўванне какаіну. Падчас следства цалкам прызнала віну і раскаялася.

20 студзеня 2020 года Праабражэнскі суд Масквы прызначыў штраф 30 тысяч рублёў і спыніў крымінальную справу. Дазнаўца паказаў, што Бачкарова загладзіла віну «шляхам пераводу сродкаў у дабрачынны фонд Яўгена Васкрасенскага».

Асабістае жыццё

З 28 верасня 2007 года па 2014 год была ў шлюбе з адвакатам Мікалаем Барысавым (старэйшым за яе на 13 гадоў); яны пазнаёміліся ў цягніку Горкі-Масква. Мікалай быў раней жанаты і меў дачку. У іх ёсць двое дзяцей — сын Іван Барысаў (04.01.2007) і дачка Марыя Барысава (22.02.2008).

Асабістае жыццё актрыса не афішуе. Аднак, СМІ было адзначана, што Бачкарова знаходзіцца ў адносінах са сваім былым менеджарам.